由江若琳（Elanne）、文詠珊（JaniceMan）擔任女主角的電影《愛情故事》，前晚於銅鑼灣舉行情人節活動。Elanne穿上一條白色皺褶背心短裙配以桃紅色襪褲，顯得其身形十分臃腫，而且髮型頗為騎呢，艷光被同場的JaniceMan完全蓋過。
江若琳、文詠珊前晚到銅鑼灣出席電影《愛情故事》情人節手拖手浪漫場，Elanne以白色皺褶背心短裙配以桃紅色襪褲及紅色高踭鞋示人，配搭十分古怪，而且顯得其腰腹非常臃腫。Elanne表示自己不懂襯衫，故一直都要交由化妝師負責，她說：「可能條蛋糕裙顯得有啲肥啦，不過唔緊要啦。」
Janice百寶箱贈男友
活動上Elanne及JaniceMan向導演彭順送上情人節朱古力，兩位男主角何浚尉及徐正曦則向兩位女士送上鮮花，眾人更大派朱古力及玫瑰花給在場的fans。
JaniceMan透露親手做了一個百寶箱給男友，內裏有齊男友喜歡的東西，她說：「個箱入面乜都有，有齊男士需要嘅嘢同埋男友鍾意嘅嘢。我又用水晶整咗個心形相架畀佢，放咗一張我哋細個時影嘅相。」至於Elanne則表示情人節收到fans所送的花及朱古力。
採訪、攝影：魯萍