官恩娜（Ella）早前在無綫鹹豬手事件炒得㷫起之際，衰多口再爆女藝員被抽水事件，搞到滿城風雨，最終要發聲明道歉收場。她昨日在事件後首度出席公開活動，台上表演時笑容滿臉，可是在台後接受訪問即時正經起來，及後更忍不住流淚。
因亂爆鹹豬手事件而鬧得滿城風雨的官恩娜，昨日於事件後首度現身公開場合，她與賈曉晨（JJ）、HotCha、李香琴及方力申等於青衣城出席港台「光輝歲月流金頌」活動，鼓勵大眾多運動鞏固健康。席間Ella和JJ更與一眾長者跳扇舞，雖然兩人舞姿雜亂，但全程笑容滿臉。
助手代答問題
不過一轉到後台接受訪問時，Ella卻忽然正經，問到有傳遭無綫封殺一事，Ella一概不回答，由身邊助手代答，助手說：「其實無綫已經回應咗，所以都冇乜要回應。」至於是否與無綫合作變少？助手說：「TVB講咗冇啲咁嘅事，其實Ella一直都有同無綫接觸，完全冇影響，亦冇減少工作，同埋Ella都明白以後會慎言。」
不知Ella是否擔心講多錯多，故不敢回答，至於現時心情，Ella說：「努力啲工作啦！都好多謝啲朋友好關注件事。」提到吳君如早前於電台節目中力撐她並非博宣傳，Ella說：「只能夠講多謝！」隨即衝回後台，數分鐘後出來時卻忍不住流淚，還一邊走一邊擦眼淚。事後Ella表示並非記者壓力而流淚，她說：「其實我呢幾日唔舒服，今日早上個頭仲好痛。」
JJ冇時間練舞
此外，JJ和Ella於台上跳扇舞雜亂無章，JJ表示因沒足夠時間練習，提起Ella流淚一事？她說：「其實頭先佢已經話肚痛，唔舒服，我覺得佢係一個好堅強嘅女仔，相信問題好快會解決。」
採訪：林惠卿 攝影：陳順禎
