以前家長將教導小朋友的責任交給學校就亁手淨腳，現時除正規課堂外，還要搜索坊間的另類反傳統教學法，才能達到啓發孩子潛力及加強親子關係。以下兩種教學法，分別利用不同方式令小朋友感受外界，令父母更了解子女。
記者：林佩婷
攝影：周旭文、陳盛臣
蒙特梭利
任玩學技能
「蒙特梭利」教學法由意大利醫學博士及教育家馬利亞．蒙特梭利創立，主張利用日常生活、感官、數學、語文、自然文化及美術音樂等探索周邊事物，再利用特設的教具及互動方法，令BB玩得更有成功感及更主動學習，從而邁向優質的心理發展。
百厭星變乖乖女
蘇太覺得女兒Alda的專注力一般，經常被其他事情分散。「更甚是叫佢去東，偏偏要去西。有朋友介紹『蒙特梭利』畀我，初初話家長要先上堂，都覺得使唔使咁誇，但上完後覺得內容好好，了解到小朋友喺唔同階段會係點。好似其實幼童根本唔明你講咩，我初初就以為佢唔聽話，上堂後知道囡囡唔係有心唔聽我講，自己就學識唔會咩都SayNo。唔多阻止佢，反而變得自律。」
BB返學前家長先上堂
要求家長先上課後帶BB到班上實習及學觀察的親子班，的確較少聽聞。據其中一名負責人Daisy話，蒙特梭利教育法多是用來作教師執照等專業用途，很少開設家長班。「蒙特梭利0-3歲無意識教學法，透過感官同動作教育令小朋友得到優質的心智及人格發展，作為成人及幼兒的橋樑的0-3蒙氏導師亦令成人了解到小朋友行為背後嘅意義。1年前我率先開創家長8小時基礎班，令父母有個基本概念，喺屋企都能夠繼續運作。」
「兒童無限」蒙特梭利家長班
8小時的基礎班內容包括兒童哲學、蒙特梭利教學法、日常生活、感官、數學、語文及文化、蒙特梭利家居環境佈置及如何製作和選擇優質玩具等。之後才參加兩個月的0-2.5歲親子課程。
2、3月課程：囗2月23日（9:30am-6:30pm）
囗囗月21日（2:00pm-7:00pm）及3月28日（2:00pm-5:00pm）
地點：太子彌敦道794-802號協成行旺角廣場9樓906-7室
費用：一位家長$980、第二位家長$490、長者$100
網址： http://www.infinitychildren.com
奧福教學法
身體感受音樂
「奧福教學法」跟一般唱遊堂或音樂課不同，它是由德國作曲家及音樂教育家卡爾．奧福創立，主張小朋友用最自然的方法感受音樂，從中利用律動、唱歌、童謠和打奏敲擊樂等提升音樂感。短短50分鐘的課堂內容超豐富，家長老師不但同小朋友唱歌跳舞，還利用音樂與小朋友打招呼、玩角色扮演。唔止小朋友玩得開心，就連家長們都很投入。負責人Maggie話：「𠵱家小朋友細細個就學樂器，但坊間嘅做法好死板，奧福音樂法課堂中小朋友會做爬、搖等律動，令身體感受時間同空間，從而加強身體機能協調同發展。」
長大音感更強
Winnie一對子女靖靖同John，入到課室便興奮周圍走，見到樂器仲主動話要彈，Winnie說他們的性格跟未上堂前判若兩人。「本身我係教琴，成日喺屋企聽音樂。仔女都聽到無反應，教靖靖學琴，佢技巧係無問題，但始終唔係話好有興趣，同我又無咩互動。嚟呢度最大好處係可以同其他小朋友一齊分享打拍子，令到兩姐弟由內向怕人變得外向。而且可見識唔同樂器，唔會獨沽一味。」
「Orff4Kids」德國奧福兒童音樂班
Maggie話從1歲開始就可以參加，年幼小朋友必須家長陪同，到了3、4歲便可選擇自己一個玩。每個小朋友都會有自己的專屬樂器，令他們更有歸屬感。課程更提供廣東話、普通話及英語選擇。
Grade1
對象：1-2歲（須有一位家長陪同）
費用：每堂$200（每學期12堂）
樂器：$78（3個口哨）
地點：灣仔駱克道116號嘉洛商業大廈2樓C室MusicFunHouse
網址： http://www.orff4kids.com
