畢傑仔平時予人花弗爛蒲形象，但一連兩日睇完佢嘅稿，盡顯佢孝順同深愛肥仔嘅一面，令我幾乎都想流眼淚。真人不露相，咪睇德乙凱沙羅頓最近友賽輸過畀拜仁、同埋上場作客吞紐倫堡3蛋，返到主場先至見真章，今次吼一個隊波大炒恩高斯達特4:2嘅34倍冷膽。
唔係為扒冷而扒冷，凱沙羅頓今季主場聯賽確有唔少代表作，兩次4:1、1次6:0，夠照啦啩。至於恩高斯達特亦唔嘢少，今季開過好多個癲狂波膽，和過3:3、球會賽就輸過3:4，兩隊都癲癲哋，一於揀個大膽試試。
施多夫推前博15倍首球
視畢傑為知己，全因本報除小弟外，基本上再冇人肯推介意甲波，佢貼卡坦尼亞贏同我要嘅下盤不謀而合。呢場我會要2:2，森本貴幸，大家亞洲人，一定繼續同你打氣。講到意甲大膽，阿特蘭大同羅馬開入球騷機會高。近年兩軍交手旺2:1、1:2，呢場我覺得羅馬會失分但又輸唔去，就揀個2:2、3:3。
頭版場米蘭打吡太多嘢寫，好多都寫唔晒，雖然本欄主打波膽，但都喺度補番個首名入球分析。馬甸尼全因感情分搭夠，施多夫推前踢卡卡平時個位，爆15倍首名入球何奇之有？文：藍鑽石