李彩華（Rain）、梁詠琪和溫碧霞等前晚到中環出席新戲《夏菲米克的時代》（Milk）首映禮，阿Rain身穿露肩春裝，她透露早前花了5位數字置裝，記者表示同公司的江若琳曾一度財政拮据，認真同人唔同命，阿Rain聞言即哈哈大笑說：「唔同人咪唔同囉，咁辛苦搵番嚟應該要使。」
阿Rain表示社會經濟欠佳，要出力推動消費，但她笑言：「唔好話我淨係識使錢，着完啲新衫就攞去二手衫店度賣。」昨日情人節她到內地登台，並直言要收較多的5位數字酬勞。
梁詠琪讚Kelly勇
同場的梁詠琪對於陳慧琳懷孕3個月，她說：「祝佢生個又高又靚嘅BB，佢仲做嘢真係好勇。」問是否有生仔衝動？她笑說：「仲有幾年時間dum吓，搵男友順其自然。」溫碧霞則透露已買了手錶送給老公作情人節禮物。
採訪：魯萍 攝影：仇志德