近年喺內地搵食嘅「灶底小生」，雖然明知自己已經有家室，但一於少理，喺內地𠝹女，早排媾掂咗個內地女仔，就返香港同個老婆「角角」講，話同佢已經冇咗愛情感覺，只係想享受一個人嘅單身生活，所以佢要同老婆分開。雖然佢老婆係唔想分開，但見灶底小生咁堅持，惟有簽紙成全佢。
早有風流案底
點知簽咗紙冇幾耐，角角已經喺朋友口中收到風，原來灶底識咗個內地女仔，仲打得火熱，角角梗係好傷心。唉！其實灶底風流已經唔係今日嘅事，上次佢同公仔箱嘅小妖精一齊已經想離婚，但後來俾高層制止先打消念頭，所以話要發生嘅事，始終都會發生。
Textby關仁
