陳豪昨日在奧海城宣傳無綫節目《品味咖啡》，並炮製咖啡給陳倩揚、何傲兒、李亞男和馬賽品嚐。他透露今日情人節會在工作中度過，無暇陪伴家人和朋友。問到其緋聞女友廖碧兒曾公開希望收男士織的冷衫，陳豪說：「我只識煮咖啡，織冷衫會唔會俾人笑？我會記住，但整住咖啡先，等吓啦。」
預祝情人節
問陳豪會否預祝情人節，他口快快說：「係呀，會預祝，唔係，要拍劇通宵，收工都已經朝早。」然後又謂不太注重節日，靠平日相處維繫，問他與廖碧兒如何維繫？他笑說：「在心中，但簡單一句情人節快樂都要。」問陳豪曾否送情人節禮物給戀人，他說：「咁有味道嘅等我自己回味算，唔想分享，但都浪漫嘅。」
採訪：卓寶花
攝影：黃偉雄