藍鑽石所屬嘅工作小組主要寫外國體育，但當中有唔少港產片fans，亦有個別特別欣賞張家輝，我個人就喜聞佢憑《証人》入圍角逐金像影帝，仲係大熱門嗰隻。
最記得前年佢做金像獎頒獎禮司儀，當個拍檔問佢如果佢攞到影帝會有咩感受？佢好幽默咁答：「等我攞到至話你知。」希望，今年大家會聽到呢位好戲之人嘅答案。
其實佢當年屈喺二奶台，表現已經好出，後來殺入影圈更加多代表作，證明係有實力，浮沉多年等收成。拿玻里都係，雖然近期有少少跌watt，但贏博洛尼亞難度唔大，希望同張家輝一樣可大熱勝出。
主客和：拿玻里勝
心得：我止跌後盼回升
近5場往績：WLLLW
藍鑽石
與簡拿華路同日出生嘅囡囡入學，今季大把時間睇波，尤其係意甲。