前晚返屋企襟去三色鬼佬台，睇到《AC米蘭最前線》，雖則我唔係AC球迷，但個節目幾多嘢睇，又夠update，連想買斷碧咸呢單新聞都有，所以我由頭到尾睇晒。三色台喺直播賽事上爭唔贏兩個收費台，播多啲呢類專講大會嘅雜誌式節目，未嘗唔係好事，不過如果有埋英超Big4同埋我愛隊拜仁，咁就perfect嘞。話時話，去到成深夜1點先播，好似我呢啲夜鬼就ok啫，但應該照顧唔到返朝九晚六嘅人。
費蘭度托利斯上嗰場完場前入波助利物浦反勝樸茨茅夫3:2，仲幫我攞多個W。今次唔玩英國波，轉口味攻荷蘭波，強勢嘅阿爾克馬爾（AZ）作客燕豪芬受讓平/半，一於捧下盤。
讓球：阿爾克馬爾（下）
心得：燕豪芬連贏3場後係時候回吐
近5場往績：WWWWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。