他倆未必是最甜蜜的一對，但肯定是最經得起風浪的一對。何志豪與陳慧琪，兩位香港滑浪風帆選手代表，由相識、拍拖到結婚，當中出現過無數次分手復合，不過最後都能握緊桅杆滑破每個暗湧和巨浪，共度第十三個情人節。
記者：趙佩倩
攝影：周旭文
鳴謝：逸東酒店
逸東軒行政總廚譚棟（27101093）
陳慧琪（Vicky）
13歲參加風帆暑期班，一學上癮，其後接受正式訓練，15歲被挑選入港隊。01年獲頒香港傑出運動員，個人殊榮包括07香港滑浪風帆公開錦標賽奪得第1名。
何志豪
因屋企經營出租風帆生意，故自小在沙灘長大，10歲正式接受訓練，其後加入港隊，經常代表香港出賽，包括07年泰國芭堤雅亞洲錦標賽獲得第1名、06年多哈亞運會滑浪風帆銀牌得主等，以及曾獲兩屆香港傑出運動員。
最難忘花到人不到
要慶祝第十三個情人節還可以有甚麼「花臣」？正如阿豪所講：「都冇乜感覺，因為日日都係情人節！」講到最難忘的一年情人節，阿豪似是記憶猶新：「十幾年前嘅情人節，我唔喺香港，但準備咗紮花趁佢訓練時送畀佢，知道佢收到好開心。」點知Vicky插嘴：「你係咪記錯送畀第二個？呢件好似係幾年前嘅事！不過，嗰次真係估唔到你咁有心，冇諗過你唔喺香港都收到你送嘅花。」
拒愛炸物
要他們互數對方優點和缺點，阿豪先講：「佢煮嘢好食，份人夠細心，缺點就當然無！」輪到笑到合不攏嘴的Vicky：「佢成日唔記得嘢又唔夠細心，但呢樣都係優點，因為佢唔會留意我有冇化妝，唔重外表重內在美。」愛人眼中缺點都變優點！
閒時會下廚的Vicky，豬牛羊雞炒菜焗蛋糕通通曉，惟一是不愛煎炸，多以蒸燜炒烚為主，一來健康，二來懶得清理油煙，「我哋唔需要戒口，訓練消耗好大，可多肉多菜多飯，但少食炸嘢。」今日請來逸東軒行政總廚譚棟教兩人炮製甜蜜菜式，即使炸也不油膩。
譚棟
入行26年，現任逸東軒行政總廚，曾於多間粵式菜館任職大廚。於90年贏得香港旅遊協會美食節的中菜組金獎。擅於精選時令食材入饌。
魚沐春風（桂花海棠豆腐）
0hr30min
製作難度：★★★☆☆
蒸蛋白一定要用細火以及不要蒸過時，否則蛋白變老。
材料
桂花魚肉8両、百福豆腐1盒、蛋白3隻、牛奶2湯匙、雞湯/水100各毫升、甘笋/菜粒各適量、鹽/雞粉/糖各少許
芡汁：雞湯100毫升、生粉水適量
做法
1.豆腐切三角片狀鋪上碟。
2.將蛋白拂勻，加入奶、水、雞湯、鹽及雞粉拌勻，隔水以慢火蒸20分鐘。
3.桂花魚肉切雙飛，下鹽、糖及雞粉略醃，拉油後鋪上（2）。
4.燒熱鑊下雞湯，加入生粉水埋芡後，淋上（3）。
5.甘笋片及菜粒烚熟撒面。
貼士：
蛋白、雞湯和水的最佳比例是1:1:1，蒸出來的蛋白就會滑溜好多。
心花怒放（腰果彩虹素雞）
0hr30min
製作難度：★★☆☆☆
芥蘭去葉刨皮，只取最粗的莖心部份，食落份外爽甜，記得汆水時要下糖，有助除去苦澀味。
材料
紅/黃燈籠椒各1/2個、粗芥蘭1斤、素雞1條、炸生腰果適量、糖/雞粉/鹽各少許
做法
1.紅黃燈籠椒切角後炒熟備用。芥蘭去葉留莖，刨皮切粒後汆水，下糖、鹽及雞粉煨3分鐘，撈起浸冰水。素雞切粒後下油鑊略炒，加入燈籠椒及芥蘭，下鹽及雞粉兜勻上碟。
2.腰果汆水後風亁，燒熱油下腰果以慢火浸10分鐘至熟後瀝亁油，撒上（1）面即成。
貼士：
炸腰果要不停用鑊鏟兜一兜，避免炸燶。
比翼雙飛（糯米釀雞翼伴水蜜桃汁）
0hr40min（未計浸糯米時間）
製作難度：★★★☆☆
雞翼炸得黃金香脆，咬落就是煙韌軟綿的炒糯米飯，蘸上水蜜桃汁甜甜蜜蜜，情侶越食越煙韌。
材料
雞翼4隻、糯米4両、臘味3両、鹽1/4茶匙、糖/生抽各1/2茶匙、雞粉1/3茶匙
蘸汁：水蜜桃1/2個、甘笋1/4條
做法
1.雞翼於一邊軟骨位切開，拆骨後風亁備用。
2.糯米預先浸6小時至軟身，隔水蒸20分鐘備用。
3.臘味切粒蒸熟，下白鑊炒勻，加入糯米炒勻，下鹽、糖、雞粉及生抽兜勻，盛起攤凉備用。
4.將（3）釀入雞翼中，放入滾油，用慢火浸5分鐘至熟後上碟。
5.甘笋蒸熟後，與水蜜桃一起放入攪拌機打成茸，吃時蘸上便可。
貼士：
雞翼炸至金黃後，再開大火逼出油份，食落便不會油膩。