上周五我主打推介嘅馬拉加搞得掂，落後0:2反勝真係有運；到周二牽牛兄推介嘅愛爾蘭就冇咁好彩，又係落後下反勝2:1，但衰咗個「主勝」，搞到本欄冇得兩連勝。唉，一啖沙糖一啖X，今期我決定大注買落華倫西亞迎馬拉加開「大」度，望拉近累積結餘去正分。
華倫主場11場10「大」
可能有波友話，我上期先推介馬拉加W，今期咁快又兜底捧佢哋輸？咪住，我冇話要貼勝負喎！我淨係瞇埋眼買個1.48倍「大」啫，邊隊贏我唔care！華倫雖則有好多國腳喺周中友賽對英格蘭時有上陣，包括韋拿、大衛施華、馬真拿同艾比奧爾；但要留意佢哋全部踢唔足90分鐘，我就話體力上應該冇乜影響。
攻力我就不嬲都唔擔心華倫，中前場好似韋拿、祖亞昆、大衛施華等人全部可以對馬拉加，而韋拿對英格蘭都有波入，就知條友好有火。不過，華倫近期防線差就梗㗎喇，已連續10場聯賽要失波；另外仲有個好強嘅數據，就係今季11場主場聯賽入面，開出10「大」1「細」。對住貝迪斯、希杭同艾美利亞等作客攻力一般球隊，華倫都要失夠兩球，個防線認真唔掂。
我鍾意馬拉加個踢法唔知講咗幾多次，佢哋勝在一味向前攻，艾利素、巴夏、杜達個個係嘢，近期仲要打起埋前拉科射手盧基（近4場入3球），又係攻強守弱隊伍，好有信心個「大」開得出。
配腳方面，就揀英足盃屈福特主場對車路士，頂得住半場唔輸開[半和]。車仔近期新聞多多，先炒「大菲」，再有球員搞分化，新領隊軒迪克一向戰術謹慎，首場領軍未必初段去盡，2.35倍[半和]好路。車仔近6場半場都全部與對手打和㗎！文：畢傑
早飛倉
主菜：星期六56華倫西亞大（1.48）@2,200
渾水摸魚過關：星期六56華倫西亞勝4:2（30）x星期日1阿積士勝4:2（26）2x3@100
今日早餐價錢：$2,500
上日賺蝕：-$2,000
早飛倉結餘：$87,064
規則：$100,000本錢，每日買早報最多動用$5,000，最少$1,000，逢周二、五見報。
早飛王貼士
星期六56 華倫西亞vs馬拉加
首選：華倫西亞大（1.48）
次選：馬拉加[半勝]（4.55）
次選：華倫西亞勝4:2（30）
周末焦點
星期六10 樸茨茅夫vs曼城
本周末唯一一場英超，英超躉必欲一看。樸茅剛有領隊阿當斯被辭退，現由暫代領隊保羅赫特領軍，未知有冇料助球隊終止4連敗；曼城則有孖寶羅賓奴及艾蘭奴國際賽建功。
星期六48 燕豪芬vs阿爾克馬爾
荷甲前列大戰，阿爾克馬爾（AZ）暫排榜首，聯賽連勝11場，暫排神射手首位的艾咸達奧連續3場有波入，連勝會否斷纜已成焦點。燕豪芬近兩季聯賽主場都未能擊退AZ。
星期日32 國際米蘭vsAC米蘭
本周最矚目的米蘭打吡大戰，國際米蘭被編有「假主場」優勢，實則兩者同用聖西路球場。往績看雙方近季於聯賽未嘗和波，總能分勝負，AC缺卡卡能否保持不敗？