日本電影《NANA世上的另一個我》女星宮崎葵嘅二打六演員老公高岡蒼甫，07年結婚後多次傳出偷食傳聞，上周五佢又再拖女斷正。日本雜誌《女性SEVEN》偷影到當晚高岡趁老婆唔喺身邊，開完生日派對後同水着女星金原Asuka齊齊擔遮離開，仲手拖手走入金原嘅香閨，逗留三粒鐘先走。 高岡事後喺網誌認衰，葵妹亦苦笑力撐老公，金原就話有醉意嘅高岡當晚飲完杯水就離開，否認同佢有路。