花旗股市前晚反彈，但係噚日港股冇得彈，其實唔難理解，花旗股市跌得多彈得少，政府救市又好似冇乜計，加埋A股回軟，港股投資者梗係會審慎啲，恒指再跌310點，暫時守住13200。
黃金繼續受追捧，金價出現技術破位，仲會反覆上升，如果揸咗金股C輪，可逐步推高止賺位。A股調整，但係大勢仍向好，H股再跌，可以選擇性吸納。
港交所P輪15658：港交所（388）昨收66.15元，跌2.7巴仙，10日線失守，技術轉差，形勢唔多盞，睇嚟好快會下試上月低位63.25元，守唔住嘅機會好大，下個目標試54元，可以諗吓隻P輪15658，昨收13.6仙，有效槓桿2.3倍。
正股跌落54元，15658可見20.7仙，正股升破72元，就沽咗隻輪止蝕。
俊樺