劉德華昨日凌晨接受吳君如主持的《嘩!嘩!嘩!打到嚟!》節目訪問，談到近日娛圈掀起「魔術鹹豬手」話題，君如開玩笑說：「如果係華仔喺我面前變魔術，我就唔mind，我諗都冇乜人唔鍾意華仔。」吳君如更直認當年和華仔拍攝《愛君如夢》時因為經常與華仔拍跳舞戲而令她睡不着。
難忘險墮馬
君如問到鮮有緋聞的華仔是否識媾女時，華仔即急急說：「梗係識，真係當我流華咩？不過真係冇女星投懷送抱。」他又透露當年拍攝《投名狀》一場騎馬戲時的驚險場面，他說：「當時要隻馬跑得好快，所以就叫工作人員用威吔大力打隻馬，點知隻馬係咁向住山衝，如果隻馬一跪低，咁就收我工，所以當時我即刻跳馬，陳可辛都讚我身手好。」
撰文：林妃