現年23歲的港男冠軍黃長發因教法文搭上年長16歲、育有5歲女兒的富商三奶李姿霆（Karen）。有消息指黃長發向富商發出涉及露骨閨房事的挑釁SMS，昨晚黃長發攬實女友見傳媒，揚言不理家人反對，為愛退出娛樂圈。
黃長發和富商三奶李姿霆的不倫姊弟戀堪稱一場鬧劇，之前女方自稱當年受騙，懷孕後才知富商有家室，黃長發則自爆被私家偵探跟蹤及被人SMS指做鴨。
「佢教識我好多嘢」
昨日事件進程更趨白熱化，有一段聲稱是黃長發搵友人SMS富商的內容遭公開，當中提及露骨閨房事，用語挑釁，又指黃長發在Karen家穿內褲，Karen父親更責女兒令家人丟臉，出示富商向無綫高層樂易玲發出的投訴信，信中內容炮轟黃長發是賤男及損害TVB名聲。
黃長發昨晚拖Karen雙劍合璧，在佐敦見傳媒反駁傳聞，黃長發更表示為愛退出娛圈，他說：「我唔想喺呢個地方發展，有法國公司同會計公司搵我，拍拖要錢，希望生活穩定啲。𠵱家我同Karen一齊好開心，雖然佢大我好多，但教識我好多嘢，佢有好慘嘅故事，就算雙方家人反對，我一樣咁愛佢，其實愛情真係好偉大。」
39歲的Karen直認自己是三奶身份，跟黃長發相識兩月已決定不留在富商身邊，但提到有指黃長發打她女兒，她說：「一定唔會，佢哋相處好好。」她稱父親和富商同一陣線，她只希望二人體諒。黃長發謂暫未考慮結婚，他指女友年紀大但思想年輕，而無綫真的收到投訴信，不過內容屬假，因女友家人擔心她受騙。黃長發又稱沒有向富商發挑釁SMS。
另外，本報昨日接獲讀者報料指Karen說謊，稱她一開始已知富商有家室，二人相處兩年後她才懷孕。又有人自稱是Karen同居女友人，指Karen早年居於油麻地，為識有錢人跟女室友搬去跑馬地，Karen承認住過油麻地，後期則獨住跑馬地。
無綫：咪做第三者
另一方面，樂易玲昨表示確收到投訴黃長發的信件，她說：「我已經將呢封信交咗畀阿發，公司唔會干預男歡女愛嘅事，但忠告阿發都唔好捲入人哋嘅家庭漩渦。」
雖然是非不絕，但黃長發和Karen依然煙韌，日前更去愉景灣露天茶座嘆茶，又並肩漫步，其間Karen作狀打阿發腹部，阿發則做掩肚反應，逗得她哈哈大笑。
採訪：何慧斯
攝影：娛樂突發組、仇志德