【本報訊】瑪麗醫院爆發毛霉菌個案後，隨即抽查廚房及該院7-11便利店出售逾100種食物，結果發現兩個預製食品樣本含毛霉菌，但不能確定為致病的根霉菌。據悉，有關樣本為三文治及旺旺仙貝，昨日便利店仍然有售。香港大學微生物學系系主任袁國勇懷疑病人進食了非院方供應的包裝食品感染。
袁國勇表示，兩名病人透露病發前曾進食7-11便利店售賣的預先包裝食品，「係佢哋自己去7-11買嘅，瑪麗提供嘅食物係高溫消毒，冇問題。」微生物學系遂化驗逾100個食物樣本，發現兩個樣本含毛霉菌，但不確定屬根霉菌，已交由食物安全中心跟進。
毛霉菌包括四種霉菌，今次導致病人染病的根霉菌是其中一種，此菌存在於環境之中，包括食物、預製包裝食品、木製材料及健康食品等，在攝氏50度環境可以生存，但只要在80度高溫煮一分鐘，即可殺掉此菌的孢子。
免疫力低者染病高危
袁國勇呼籲市民毋須過份恐慌，健康人士進食含此菌的食物不會危害健康，「預先包裝食物製造過程唔需要絕對消毒，有真菌係expected（意料之內）。」但他提醒免疫力低的病人應進食煮熟食物，「如果本身係高危人士，只應該食一啲煲熟咗嘅食物，唔應該食其他預先包裝嘅食物」。
至於一般市民進食發霉年糕或發霉麵包後會否染上惡菌，港大微生物學系助理教授黃世賢解釋，雖然進食發霉食品未必會致命，但食物內的霉菌有很多種，部份含有毒素，進食後會染病，「尤其係有免疫毛病、化療緊嘅病人、器官移植病人同接受緊高劑量類固醇啲病人，一定唔可以食發咗霉嘅食物。」