謝婷婷、熊黛林和CaraG.等昨日在中環，為法國品牌VanCleef&Arpels示範高級珠寶。婷婷近日多次被拍到和安志杰約會及到超市買餸，但例牌否認拍拖，她說：「佢好健康，向佢學吓煮嘢食，我哋唔係拍拖，係好朋友。」
「仲係朋友」
問婷婷與安志杰是否發展中？她說：「互相認識中，大家一齊行街、做運動。」仍未算男女朋友？她說：「咁易咩？要講feeling，𠵱家仲係朋友feeling，不過佢都好nice，OK靚仔啦。」她更乘機強調早已和DJ男友分手，她說：「我情人節約咗成班單身男女朋友燒嘢食，我都係single，分咗手一段時間。」
熊黛林戴了全場最貴的1,300萬元藍寶鑽石頸鏈，被問到失落金像獎新人提名，可會感到失望？她說：「唔緊要啦，繼續努力。」
採訪：LawWaiMan 攝影：ChanShunChing