韓國怪雞導演金基德嘅製作公司舊年刀仔鋸大樹，拍咗部由韓星蘇志燮同姜志煥主演、又賺錢又攞獎嘅電影《電影是電影》，點知負責發行嘅Studio2.0公司居然走數，拖欠35億韓圜（約2,000萬港元）嘅收入。該公司姓金嘅社長更喺舊年下半年開始玩失蹤，金基德於是告上法庭追究刑事責任，首爾法院已經凍結該公司嘅資產進行調查。