岡野雅行登陸香港加盟天水圍飛馬，首戰對大埔仲即入波。綽號「野人」嘅佢喺日本踢咗咁多年，到36歲先出國，仲要嚟到水準唔高嘅香港落班；佢喺8號晚用日文寫blog就話：「香港聯賽有點粗糙，就像未經打磨一樣，皮球在草地上會一直跳動，即使盤過對手也容易被趕上，不過在這裏只是平常事。」天水圍見難得搵到個國腳級球員，自然希望佢多啲曝光，據佢哋公關講，已決定搵專人繙譯岡野個blog，最快今個禮拜就會有中文版，放喺天水圍官網轉載。心急嘅球迷可登入 http://yajin-okano.net/blog，率先睇吓原汁原味嘅日文版。