當港交所（388）上市委員會與證監會就延長董事禁售期一事互相「搓波」之際，恒隆地產（101）主席陳啓宗昨公開表明，贊成延長董事禁售期，直指「好多反對理由，都係不成理由嘅理由」，而且有人「好似當北京白癡，一味告御狀」，暗示有人曾經將禁售期一事提高到極高層次。
暗示有人上京告御狀
恒隆是唯一公開表態贊成延長禁售期的華資及家族式控股地產商，較早前更高調澄清，沒有在反對聲明上簽署。陳啓宗昨表示，上市公司擔心延長禁售期引來炒家狙擊，其實只要提早公佈業績就「無事」，「點解美國公司做到，我哋做唔到？呢個係公司管治水平問題」。
至於上市公司指市場上會計人手不足，難盡早公佈業績，他回應說：「美國都係用四大會計師行，若唔夠人手，佢哋會請人，咁對香港經濟仲好，增加就業機會。」他直指，香港作為金融中心，規管未達國際標準，甚至屬最寬鬆水平。
但他反對港交所擬引入季度業績報告，指這是過猶不及的監管；但如果參考英國做法，即季度報告只是管理層報告，不包括財務數據，則相對可取。
他以美國為例，部份上市公司為應付季度報告而「造數」，更形容「人哋已經踩咗落個氹度」；此外，發表季度報告會令管理層短視，妨礙其作出最佳決定。他認為，一個社會應該有理性聲音，監管宜取中庸之道，「世界上無一個地方是監管夠的」。