港股連升5日，收報13880。細價股氣氛熾熱，其中最誇張係香港資源（2882），繼前日倍升之後，昨再升29%，收報1.46元，「四叔」效應真係唔講得笑。
另一隻升勢都好勁係金輝（137），大漲37%，收1.37元，單日升幅咁大，隻股又冷門，梗係唔鼓勵隨便追入。其實呢輪航運均見異動，事關波羅的海亁散貨航運指數（BDI）連升十多日，不少航運股都各自各精采，散戶比較留意的中國遠洋（1919），由1月低位4.03元反彈至今，昨續升1.9%，收報5.82元，與低位比較累升44%。
航運業前景仍差
中遠與波羅的海指數相關性比較強，近期該指數升勢凌厲，部份原因係預期內地對亁貨運輸需求恢復。
不過，金融海嘯之後，航運業陷入下跌周期，想買中遠不必心急，可待股價調整至5元企穩才入市，目標7元，跌穿4元止蝕。
方星俠