灣仔區議員李繼雄詐騙罪成被判入獄，議席因此出缺或要補選，八方聽聞各路人馬磨拳擦掌，其中年前地鐵縱火案英雄季詩傑有意角逐，07年落選嘅民建聯鍾嘉敏都有可能捲土重來。
季詩傑以前做政務官，05年辭職轉做大律師，𠵱家係一間上市公司總經理。季詩傑去年曾為社民連助選，之後正式入黨，雖然有人指佢同左派過從甚密，不過黨主席毓民唔介意，准佢入黨。社民連副主席陶君行稱是否支持季詩傑出選，要開會討論才可決定。
季詩傑現居灣仔，同灣仔頗有淵源，做AO第一份工就係灣仔助理民政專員，「政績」包括協助銅鑼灣珠城大廈業主解決後巷俾人霸佔問題，搞到俾黑社會圍，要反黑組到場解圍。