名模熊黛林和AmandaStrang昨日示範Dior春裝，性感動人。今年獨自一人過情人節的熊黛林，對郭富城行蹤瞭如指掌，懶理相士分手預測；Amanda則笑情人節是stupidholiday，絕不為此浪費無謂錢。
法國名牌ChristianDior昨日在淺水灣舉行09春夏新裝示範，大吹奢華部落風，主帥JohnGalliano將exoticskin如鱷魚皮、蟒蛇皮等結合輕紗、喱士和皺褶棉料等，加上人手釘鑲的貝殼、玻璃珠及tribalprint等，呈現一份華麗民族情懷。剪裁為成熟女士而設，性感束腰、貼身等，表露身材曲線。
「搞錯我出生」
周末是西方情人節，昨日示範的熊黛林謂當日要開工，她說：「我冇節目呀，同啲朋友食飯，都會買朱古力畀自己。」不和郭富城慶祝？她說：「你哋唔知佢要去柏林呀，佢嗰晚會飛，我一定會支持佢。」何不陪上路，在現場打氣？她說：「唔會，唔好阻住人哋做嘢，我冇乜力量。」
熊黛林謂歷年情人節最難忘是經常要開工，她說：「次次都要工作，嚟咗香港3年都唔例外，都想同公司請吓假。」有相士批她和城城今年會分手，她信心十足說：「我唔信，因為連我出生都搞錯，我唔係81年出世，我係屬猴。」
Amanda約壽仔
AmandaStrang則剛與男友在加拿大滑雪回港，她謂有時間會和在港的中田英壽吃飯見面，她說：「我哋有保持聯絡，只係朋友，我男朋友都識得佢，好信任我，等如我都會信任佢囉。」提到情人節，Amanda即時不以為意說：「呢個係stupidholiday，花、食飯都係平時雙倍價錢，拍咗拖嘅根本唔使特別慶祝，只係一個畀single搵lover嘅機會。」
採訪：LawWaiMan
攝影：ChenWaiOn