劉德華和舒淇主演的《游龍戲鳳》與吳君如和古天樂孭飛的《家有囍事2009》正面對撼，《家》片票房拋離《游》片足足千萬元。前晚華仔亮相君如的節目，聲言不怕輸，只要繼續拍戲便有機會反勝。
早前農曆新年檔劉德華和舒淇合演的《游龍戲鳳》，及吳君如和古天樂主演的《家有囍事2009》兩套港產片正面對撼，結果截至大前日票房，《家》以2,334萬遠遠拋離《游》的1,170萬，足足贏千多萬元。
「我係輸畀古仔」
前晚華仔和何韻詩及藍奕邦到將軍澳電視廣播城錄影吳君如主持的《星星同學會》，問到華仔新片敗給吳君如，他笑說：「我唔係輸畀佢，我係輸畀古仔。我冇嬲，畀心機再拍過，其實我諗定佢哋會贏，因為笑片一向成績好，所以明年我都想拍喜劇，最好同君如合作。」
記者問是否君如太耐沒有拍戲，故此華仔今次讓賽？華仔笑說：「唔係，不過又唔係未輸過，男歌手獎都輸過，但之後咪又再贏番，有戲拍就有機會贏。」至於華仔會否怕吳君如問有關情史等尖銳問題？華仔笑言甚麼問題都擔心，但為了宣傳唱片惟有硬着頭皮。
對於撼贏華仔，吳君如說：「當初都估吓票房會唔會過2,000萬，到1,500萬時已經好開心，真係喜出望外，我諗係因為經濟唔好，所以大家都想睇笑片。我都想同華仔拍喜劇，不如拍套《葉答》呀。」至於《家》片會否再拍續集，吳君如表示要問黃百鳴，她又笑稱要再找個靚仔引誘她。
另一方面，有份拍《游》片的何韻詩對於華仔讚她的演技，她直言效果比她預期中好，阿詩表示不介意做諧星，更希望殺出一條血路。
投資滙控輸錢
此外，華仔昨日接受商台錄音訪問，大談投資之道，他坦言有買滙豐控股（005），並指在投資方面損失只佔身家百分之一，他說：「係賬面損失，正常投資人都會受影響，滙豐就冇咗一半，但就唔影響我生活。」
採訪：何慧斯、駱華齡
攝影：葉君海
