花旗股市前晚變化唔大，港股噚日都係反反覆覆，不過尾段造得唔錯，恒指靠近13900收市，如果花旗股市噚晚炒上，恒指今日會試14000關。
A股好有氣勢，繼續推上，係支撐港股嘅主要因素。大家要開始睇實隻滙控（005），噚日報收63元，微微升破20日線，睇個勢隨時會抽上試66.50元，破位睇70元，可能滙控就係帶動大市突破14000關嘅股份。
建行C輪9266：建行（939）昨收4.20元，升1.9巴仙，企喺50日線水平，如果成交大幅增加支持股價炒上，有力推向5元水平，可以諗吓隻C輪9266，隻輪昨收1.06元，有效槓桿2.7倍。
正股升上5元，9266可見1.65元，有逾5成升幅，水位充足，正股跌穿3.85元，就沽咗隻輪止蝕。
俊樺