吳君如、錢嘉樂主持的《星星同學會》昨日邀請了鄭融、薛凱琪、梁詠琪做嘉賓，剛巧前晚播出的一集《星星同學會》，劉浩龍被爆失戀在卡拉OK嚎哭，吳君如一見鄭融即扮她擺S甫士，又對鄭融說：「你死喇！搞到劉浩龍喺卡拉OK喊！」鄭融即刻不知所措地說：「我？慘喇！」事後鄭融接受訪問時表示會致電劉浩龍詢問此事，她說：「其實我唔清楚，好難講，咁樣好難答，我都唔知呢件事。」
梁詠琪唔提感情事
梁詠琪表示不想提起感情事，她說：「今日係講女明星走紅必殺技，我都係女明星，可以分享吓，感情事希望唔好提，就算係都會輕輕帶過，用輕鬆手法處理。」薛凱琪講起走紅原因，她堅拒靠緋聞上位，她說：「就係趁今次講唔好靠緋聞，係真都話抵啲，最唔抵唔係，同房祖名有十一成係假。」
採訪、攝影：楊潔雯