劉德華經常行善，他趁着情人節與兒童語障中心聯手舉行朱古力義賣籌款，更希望為庭恩兒童中心爭取更大校舍。聲稱仍未有小孩的華仔，表示會盡快和盡力擁有自己的小孩，笑言早上做慈善，晚間用來努力造人。
行善不遺餘力的劉德華，最近為庭恩兒童中心籌款，趁本周六情人節來臨，於這段時間與Leonidas朱古力合作，推出1,000盒情人禮盒裝，每盒320港元，收益撥捐庭恩兒童中心。
擅長湊仔
昨日華仔於港威酒店與有語言障礙的兒童見面，陪他們學習說話，華仔對着幾歲的小朋友盡顯慈父本色，還很有耐性跟小孩玩耍和練習說話，與小孩溝通全無問題。
一直甚少透露家庭生活的華仔，被追問何時會有自己的小孩時，他即說：「咁都可以兜番呢個話題？我答應大家，盡快盡力啦！」華仔工作十分忙碌，問他何時會落實去做，他說：「夜晚囉，日頭我要做慈善。」他自言湊細路有一手：「我好叻㗎，歌迷會都有好多小朋友，但我唔知自己有乜嘢撒手鐧，未搵到喎。」
盼擴校舍
其實華仔的歌迷中也有受語障困擾，他說：「我成日好想搵到辦法同佢哋溝通，今朝早向班老師學過吓，大概知道有啲字嘅音佢哋會點發，咁我就明白佢哋想講乜。」華仔又有感該會的校舍不夠大，希望能幫忙改善，他說：「佢哋校舍太細，今日本來想你哋去嗰度睇吓，但太細咯，我好希望以自己太平紳士身份，去提議吓，希望政府批啲地方畀佢哋。」
採訪：王連連
攝影：陳志嵐
