艷星孫亞莉日前被發現在灣仔一酒店自殺身亡，終年36歲。原來，2000年無綫健美小姐冠軍李明清，跟孫亞莉相識逾10年，半年前她往澳門工作時更與孫亞莉碰上，前日李明清在電話中說：「雖然我哋唔係成日約出嚟見面，但一碰面就好好傾嗰種，當日我同佢咁啱一齊搭船過澳門做嘢，見佢攞住一大叠佢嘅工作履歷，睇得出佢仲好嚮往呢行。當日我哋傾咗成個鐘頭，我問佢接job收入點，佢話普普通通，啲人唔係好畀得起錢，又問佢有冇拍拖，佢話冇，因為出邊啲男仔唔係好適合自己，好難搵到一個真心對自己，所以都係順其自然。」
搵食艱難
李明清又說：「當日大家都傾到好感慨，覺得𠵱家搵食好艱難，不過，我哋大家都有互相鼓勵努力加油。睇到佢自殺消息，真係好難過。」
採訪：戴彩煥