投資者熱切期待恒指上試14000關，但係噚日仲未成事，恒指最高只係13865，收市仲要低過開市價，報13769，但維持升市及成交增加，保留上試14000關嘅機會。
滙控（005）仍然撐住個市，上升0.6巴仙，報收62.50元，另一隻強勢股係聯通（762），個勢仲會上，此外，地產股異動，可能係好友新一輪挾上嘅工具。
東亞C輪15508：東亞（023）昨收17.42元，升4.8巴仙，幅度唔細，股價早排一直喺16元水平橫行，呢幾日回升，短線有機會上試位處18.40元嘅100日線，破位就睇21元，可以諗吓隻C輪15508，昨收20仙，有效槓桿4倍。
正股升上21元，15508可見40仙，正股跌穿16.30元，就沽咗隻輪止蝕。
俊樺