花旗股市上個禮拜，好淡雙方在8000關爭持，呢個關口係去年跌浪嘅低位，技術上好重要，雖然曾經失守，但最後都有驚無險，上禮拜五仲升上8280收市，開始拋離8000關，短期後市仲可以睇好。
A股喺農曆年假後表現好好，但累積升幅頗大，再升可能會有回吐，但市場氣氛好轉，調整嘅幅度估計唔會好大。花旗股市同A股繼續造好，港股上試14000關應該冇走雞。
中海C輪14943：中海（688）上周五收10.60元，升6巴仙，過去幾日嘅升市有成交配合，可以推向12.28元，即係250日線水平，短炒可以諗吓隻C輪14943，上周五收25仙，有效槓桿2.8倍，正股升上12.28元，14943可見37仙，正股跌穿9.80元，就沽咗隻輪止蝕。
俊樺