求驗客手記:祖高爾婚禮有價有市 - 求驗客

求驗客手記:祖高爾婚禮有價有市 - 求驗客

我求大俠之前講過,車仔球星祖高爾(圖)因傷收「咧」,可以專心籌備夏天同女友卡莉嘅婚禮。話咁快周日有傳媒話祖高爾,已將婚禮獨家報道權以200萬鎊(約2,293萬港元)出售,婚禮定係6月20日舉行。祖高爾婚禮報道權賣到咁嘅價錢好難得,只係低過08年朗尼嘅250萬鎊,高過晒畢彼特、碧咸等超級明星。祖高爾咁識得吊高嚟賣,唔怪得豪到花20萬鎊買訂婚戒指啦!仲有,祖高爾今次只會請泰利夫婦、艾殊利高爾夫婦同列納夫婦三對球圈人士參加婚禮。