金融海嘯全拜美國次按所賜，唔少金融機構因為「毒債」（toxicdebt）而中毒，即使唔毒發身亡，都要深切治療。「toxicdebt」威力咁大，就連澳洲權威詞典《MacquarieDictionary》都要選佢做08年度詞彙。
《MacquarieDictionary》喺澳洲嘅代表性一如牛津字典，佢哋每年會制訂最新詞彙表，收錄最潮嘅新字，仲會由評選委員會選出一個用得最多、最具代表性嘅詞彙。正如出版商講：「08年影響每個人嘅大事就係金融海嘯。」所以08年度詞彙都同呢件環球大事有關。
字典對「毒債」嘅解釋係：最初通過合法交易產生，但之後變成一文不值嘅債務，例如次按。至於另一個「榮譽獎」，詞彙包括textaholic，指喪發電話短訊嘅人，同shopaholic（購物狂）嘅造字同出一轍。