玩具大王蔡志明在美國財經雜誌《福布斯》日前公佈的09年香港富豪榜中，雖然排名不變同是29，但身家卻由101億港元狂縮至54億港元。對此，其太太蔡李蕙莉前晚表示那只是預測的賬面折扣，對她毫無影響，其女兒蔡加怡則謂會努力為父親賺回虧蝕的錢。
玩具大王、旭日國際主席蔡志明是財經雜誌《福布斯》（Forbes）所列身家縮水的香港富豪之一，蔡志明太太蔡李蕙莉、女兒蔡加怡、兒子蔡加贊及姪兒蔡加頌前晚同到洲際酒店出席「仁愛堂周年慈善餐舞會2009仙履奇緣歌舞會」。
蔡太表示蔡志明相約政府官員吃飯，故是晚缺席，談到身家縮水，蔡太說：「係以大圍情況計算再打個折扣啫，都係預測嚟啫，賬面折扣，冇乜特別，我OK喎。」蔡加怡則謂：「我會幫爸爸賺返多啲錢，其實點我都會盡力幫佢，想佢輕鬆啲嘆吓世界。」看來蔡加怡要畀足心機，才可為父賺回47億。
辭任仁愛堂總理
經濟不景，問蔡加怡總理會否捐少了捐錢？她說：「我set咗個budget都冇影響，其實我本人08年年頭放晒啲股票，好好彩冇事。」蔡加怡又謂過年時一家人到了美國歡度，而她明年將不做仁愛堂總理，專心打理她成立的心連心行動慈善基金。蔡志明長女蔡加敏與黎姿份屬好友，前晚蔡太談到黎姿的婚事時說：「我都係睇報紙先知，打咗電話去恭喜佢，係咪擺酒就唔清楚。」
去年新婚的蔡加頌是晚大派利是，他表示預備三百封利是已所餘無幾，並笑謂：「我諗要盡快生番個BB，咁蝕法唔係辦法。好彩過年喺美國拉老虎機贏咗4,000美金（約31,200港元）。」
跳舞唔怕鹹豬手
此外，謝天華與王君馨前晚擔任表演嘉賓，王賢誌與朱凱婷則任司儀，鄺美雲、馬賽及高海寧等都有出席。鄺美雲表示自己沒受金融海嘯影響，還逆市加薪予其珠寶公司員工，她說：「我公司上年成績好有賺錢，有加薪冇裁員，其實啲大客買大鑽石係少咗，但好多人結婚飲宴，啲客都有嚟買嘢，平有平做囉。」
謝天華與王君馨跳舞時免不了身體接觸，他們謂不會因鹹豬手事件而有所避忌，天華說：「身體接觸好難免，專心跳舞唔會諗其他㗎。」王君馨則說：「要信任先跳到，唔會諗住人哋係咪鹹豬手。」朱凱婷則告誡男士們即使女仔喝醉酒也不代表可以被侵犯。
採訪：何慧斯
攝影：陳志嵐
