日本老牌男星緒形拳舊年10月因肝癌逝世，享年71歲。緒形拳嘅追悼會前日喺東京舉行，曾經同佢合作過嘅圈中後輩，包括竹野內豐、豐川悅司、木村佳乃等約650人送上最後致敬。會堂內播放住緒形拳生前代表作《楢山節考》嘅片段。生前經常同緒形拳相約飲酒嘅桃井薰，手執啤酒出席。而與緒形拳合作電影《悠長散步》嘅導演奧田瑛二透露，本來計劃由緒形拳主演新片，可惜最後成空。