近日全城熱話都喺度講緊三色台嗰隻鹹豬手，呢位屬三、四線藝人嘅所作所為，其實早於60年代開始，關仁都司空見慣，唔少紅導演、電影大亨同紅星鹹豬手啲女星或幕後人員啦，只不過啲女仔為搵食，蝕底咗都唔敢出聲，關仁就喺呢度講番幾個鹹豬手個案畀大家分享吓！
「瘦皮猴」托pat龍爪手
講到鹹豬手，「瘦皮猴」喺公仔箱認咗第二，怕且都冇人敢認第一。瘦皮猴恃住自己資深，成日假細心向女藝員埋手，好似試過有女藝員拍騎馬戲，佢就第一時間以幫人上馬為由，一手托落人個屁股度，呢招真係萬試萬靈㗎！
又試過有女藝員攞道具兵器拍打戲，佢就話人姿勢唔正確，教人揸兵器時就順手喺人胸前揩上揩落，賤到無倫。
Textby關仁