上月23日一輛貨車與的士在落馬洲相撞，造成的士上六人死亡，貨車司機被驗出酒精含量超標3倍，一名死者家屬向特首曾蔭權跪地申訴，慘劇引發全城呼籲嚴懲酒後駕駛。大車禍的死者家屬不滿當局至今仍然議而不決，「特首當日承諾咗，仲要等乜嘢？」
問特首「仲要等乜嘢」
上月落馬洲車禍當天，其中一名喪生的的士乘客馮志偉的叔父馮建成向特首跪地請願，要求提高酒後駕駛的刑罰。馮建成昨日對當局議而不決表示強烈不滿：「撞死人都唔使終生停牌，要法例嚟做乜？」
馮建成批評：「特首當日承諾咗，仲要等乜嘢？加強宣傳有乜用？如果第日又有架大貨車喺彌敦道亂衝，會撞死幾多無辜嘅行人？呢種罔顧他人生命嘅行為，應該判終生停牌，如果唔係坐兩年監，出嚟又撞死人。𠵱家又唔係話要判佢死刑，佢可以轉做第二行，政府唔應該再考慮，應即時改法例加重刑罰。」
汽車交通運輸業總工會九巴分會發言人表示，工會原則上贊成飲酒之後，不論飲了多少都不應駕車，而目前各巴士公司都已實施酒精零容忍政策，遇意外的巴士司機被驗出曾飲酒，不論有否超標，都會作內部處分，最嚴重會被開除。但如果變成法例，就必須先小心研究如何執法，現時很多日常生活用品都含酒精，如嗽口水等，司機一時不慎就會誤蹈法網。
按超標定罰則較公平
落馬洲中港貨運聯會主席蔣志偉認為，「醉酒揸車，大車細車一樣有危險，唔應該單單針對重型車司機。」若要實施酒精零容忍政策，應該所有車輛一視同仁。他認為按酒精超標程度實施不同級別刑罰的建議較公平，「飲一杯同飲十杯，已經好唔同」，好像現時超速駕駛，罰則都按超速里數分不同級別。
本報記者