筆者曾經有過揸車經驗，能夠載住家人、朋友四圍去的確係一件樂事，亦明白到揸車時必須要打醒十二分精神，因為偶一不慎，後果嚴重。
政府實施隨時抽樣向揸車人士作酒精測試，筆者絕對贊成，因為飲酒揸車確實非常危險，好似過年前單落馬洲嚴重交通意外，真係隨時害死人。
曾經喺道路上見過飲醉酒後揸車嘅司機，架車左搖右擺、亂咁cut線，只好避之則吉，個司機最後點唔知，但如果咁都唔撞車真係好彩，所以飲咗酒都係做乘客穩陣。
講到穩陣，曼城雖然搵咗基雲把關，但今周對住護級嘅米杜士堡，肯定打餐死，相信開「大」機會高。
大細：曼城「大」
心得：兩軍防守都有問題
近5場往績：LWWLL
戰鬥員A
同足球有關嘅周邊物品都鍾愛，賭波就專攻日職聯。