首先要恭喜戰友法比奧兄添丁，榮升老竇嘅感覺我都試過，完全感受到佢嗰份興奮，祝小法比奧將來同佢老竇一樣才情一瀉千里、噴薄而出，如果將來踢波就勁過嗰個法比奧（簡拿華路）、教波就勁過嗰個法比奧（卡比路）。
公司有喜事，球壇一樣有，所指係國際米蘭終於趕走瘟神哥利斯馬。一個好嘅領袖一定要親賢臣、遠小人，摩連奴有冇親賢臣我唔知，至少趕走個華而不實、累人累己嘅球員。一個球員好唔好唔需要自己判斷，問多幾個周邊人，即睇球迷大圍反應就知。上個禮拜貼輸維拉（贏唔到韋根）要學伍健寫個服字，今次唔會再衰啦啩？
主客和：國際米蘭勝
心得：小人一去好運必來
近5場往績：LLLWL
藍鑽石
與簡拿華路同日出生嘅囡囡入學，今季大把時間睇波，尤其係意甲。