去年宣佈息影的黎姿，農曆新年前低調在澳洲嫁給富豪馬廷強，成為幸福少奶奶，在圈中人緣甚佳的出爐馬太，獲不少好友恭賀。與黎姿在無綫劇集《珠光寶氣》中合演夫婦的陳豪，昨日在電話中說：「好開心聽到黎姿出嫁消息，結婚係一件神聖嘅事，黎姿婚後會進入人生另一階段，我衷心祝福佢，希望佢可以快啲生個肥肥白白嘅BB。」陳豪謂稍後會相約黎姿吃飯慶祝。
伯樂送祝福
至於黃德斌則說：「我同黎姿合作過幾次，佢係一個好女仔，我祝福佢搵到自己嘅幸福，希望佢快啲添丁。」郭少芸獲悉黎姿婚訊後，她昨日說：「好恭喜佢，真係令人羨慕，我都想有人同我秘密結婚，我會打電話祝賀佢。」
此外，早年發掘黎姿入行的黃百鳴昨在電話中說：「真係恭喜佢，姑勿論佢請唔請我飲，但我都好戥佢開心。」他又表示認識新郎馬廷強，他說：「我以前有見過馬生，佢為人好好，我一定會發短訊恭賀黎姿。」
採訪：比華利