上期講到蘋果隊殺入記協盃8強，結果順利3:1淘汰東方A隊，今朝又要一早起身踢4強，攰死。本來4強對手係由巴貝利領軍嘅亞洲電視，不過佢哋因派出違規球員落場（當然唔係巴貝利），結果俾賽會叮咗出局。
唉，4強冇得對St.Jo師兄、出面同我踢同一隊Campione嘅隊友宗銘達（達仔）㖭！上周六賽後，佢先同我講話踢波當玩吓，之後晏晝又打番佢嘅強項籃球，達仔真係鐵人。𠵱家佢隊亞視出局，4強惟有對住舊同事細暉守龍門嘅夏體硬，射爆佢入決賽。
踢完朝早波，跟住仲要全日搬屋，喺臨虛脫之前，我為大家送上貝迪斯「客勝」。
讓球主客和：貝迪斯勝[+1]
心得：西維爾臨到打吡戰先唔對辦
近5場往績：LLWLL
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。