舊年四川世紀大地震，即時喚醒香港市民發揮守望相助、血濃於水嘅精神，當時有好多機構響應，搞唔同類型嘅賑災籌款活動。其中新地（016）旗下觀塘apm商場，就喺舊年5月底搞咗個義賣募捐活動，短短一個禮拜就籌到60萬，唔扣除成本全數轉交香港紅十字會。由於捐款金額理想，成為其中一個籌款最多嘅機構，獲香港紅十字會頒發「銘謝狀」表揚。
新地代理租務總經理馮秀炎就話，對於今次得獎好開心，因為係全港唯一一個商場得到呢項殊榮，作為年輕人潮流商場，證明後生一輩都好關注內地災情，當然唔少得要多謝捐出食品禮券、毛毯同小禮物義賣嘅商戶啦。
不過，大家都唔想呢啲活動成日有，真係多謝夾盛惠。