唉！呢排成日同拍檔牛兄慨嘆，點解我哋個早飛版咁頹。上期佢貼布力般喺英足盃贏新特蘭，係就係贏咗，不過加時先贏呢！我同牛兄冇怪過對方，總之季尾大家見到我哋會有盈餘啦！講番推介，揀周日馬拉加主場砌低艾美利亞，就要呢嚿特大「馬拉糕」夾到對手叫苦連天！
學青蛙仔成日套用廣告名句「俾叉燒包鯁死嘅機會近乎零」，我就話如果艾美利亞覺得「馬拉糕」易食，佢哋鯁死嘅機會近乎100%！事關我都唔止講過10次，馬拉加主場威力的確好勁，暫時主場成績6勝3和2負排西甲第5，仲好過西維爾、馬德里體育會同維拉利爾等勁旅。
馬拉加鐵三角攻力強
一早話馬拉加攻擊鐵三角巴夏、杜達同艾利素威力驚人，呢3位主力近期輪流建功外，至今合共轟入17個聯賽入球，啱啱係球隊總數嘅一半；仲有呀，上場聯賽對畢爾包時停賽嘅艾利素，今場對艾美利亞會復出，鐵三角再次重組起嚟，客軍有難喇。
艾美利亞方面，上周作客華倫西亞叫做僅輸2:3，而射手尼格度懶係梅開二度咁；不過有睇場波嘅球迷，都知華倫全場㩒住打，艾美利亞入到兩球波都算有運，尤其第2球唔係靠馬真拿解圍撻Q，尼格度都冇得頭槌建功。
艾軍作客10場輸7場
至於艾軍作客特差係弱點，10場輸足7場；其餘兩支升班馬希杭同紐文西亞主場都贏到艾美利亞，如今主場成績更勁嘅馬拉加點會咁失威？1.95倍W放心捧啦！
配腳就揀周日葡超賽事，博士砵亭主場布拉加半場開和局，全場邊隊全取3分一於話之佢！睇番士砵亭近期下半場入波較多，半場和波率都好高；而布拉加一向硬淨，就算全場會輸，但應該半場都頂到不敗，2.3倍「半和」啱數。文：畢傑
早飛王貼士
星期日22 馬拉加vs艾美利亞
首選 馬拉加勝（1.95）
次選 馬拉加大（1.85）
冷選 馬拉加勝4:1（34）
早飛倉
主菜：星期日22馬拉加勝（1.95）@2,200
渾水摸魚過關：星期日22馬拉加勝[-1]（3.5）x星期日35士砵亭[半和]（1.9）2x1@300
今日早餐價錢：-$2,500
上日賺蝕：-$1,500
早飛倉結餘：$84,774
規則：$100,000本錢，每日買早報最多動用$5,000，最少$1,000，逢周二、五見報。
周末焦點
星期六61 西維爾vs貝迪斯
塞維利亞市打吡大戰。西維爾剛出戰西盃4強首回合，簡路迪及捷西斯拿華斯等主力踢足全場，體力較輸蝕；貝迪斯毋須踢西盃，但近6次到訪比斯桑球場僅2和4負。
星期日9 熱刺vs阿仙奴
周日英超早場先來過倫敦打吡，剛巧熱刺與阿仙奴同樣有新前鋒加盟，前者回巢的羅比堅尼正選上陣機會較大，後者的艾沙維缺態未知能否上陣。
星期日37 波圖vs賓菲加
葡超榜首大戰，「1哥」波圖上周3:1擊敗比蘭倫斯，暫16戰得34分反壓賓菲加居首。33分的賓菲加暫列次席，奈何近6次到訪波圖僅1勝1和4負，料難搶回榜首位。