花旗股市由低位反彈，港股噚日即刻生猛番，雖然成交仲係好靜，但係可以炒嘅股份都唔少，恒指有接近300點進賬，算係扭轉前日嘅跌勢。
大市企番定啲，散戶入市嘅興趣都會有改善，不過，香港本身近排冇乜利好消息，炒賣都係集中喺H股，原因係A股越升越有。如果博個市升多五、六百點，可以吼滙控C輪，睇滙控（005）噚日嘅走勢，有機會炒上66元附近。
滙控C輪15789：滙控昨收59.15元，升近2巴仙，股價喺條10日線已經反覆咗5日，睇嚟係出現突破嘅時候，可以買啲C輪15789短炒，昨收6.1仙，有效槓桿3.9倍，正股升至66元，15789可見9.2仙，有5成升幅，如果正股跌穿56元，就沽咗隻輪止蝕。
俊樺