民協馮檢基前日同記者講到同泛民協調區選時情緒激動，聲言協調失敗寧可退出泛民，噚日佢同毓民講數，會後澄清無意退出泛民，只係話協調不果會退出「泛民的協調」，但佢強調，要求泛民互不派員挑戰其他泛民現任區議員的原則不變，因為無論現任區議員政績如何差劣，都應該由選民作決定，而唔應該由其他泛民定有關區議員生死。
社民連陳偉業則表明難以接受馮檢基說法，佢話如果現任泛民區議員衰過民建聯10倍，其他泛民冇理由唔派人保住個議席。陳偉業又話預計唔少人未來一兩年，會用種種藉口脫離泛民，目的係令泛民立會議員買少見少，隨時得番19個，咁煲呔個政改方案就長驅直進唔會被泛民否決。