牛年新郎羅嘉良噚日接受商台電話訪問，佢喺節目大讚未婚妻蘇岩（前）個性善良，佢仲好欣賞未婚妻嘅演技㖭，佢又澄清同蘇岩係相識一年，而唔係拍拖一年。 羅嘉良透露4、5月拍完劇就會返北京住，佢呢一刻仲未諗好年尾擺幾多圍，但就諗住結婚一兩年後先生BB。羅嘉良又話前妻同囝囝都知道佢再婚，佢會搵日同囝囝傾吓偈。