許志安與貌似劉小慧的新晉女模Zelia合作拍新歌MV，二人有不少親嘴和抱抱場面，可惜安仔無福消受，拍咀戲竟要戴上口罩，身貼身但又無感覺，他又說：「我哋拍錫戲時覺得好似錫緊小慧咁，真係唔好意思。」
許志安早前在一間超級市場拍攝新歌《你傷風我感冒》MV，今次與他合作的是一位新晉女模特兒Zelia，當安仔見她第一眼時即笑說：「嘩，乜你個樣咁似劉小慧嘅？」
「我真係冇艷福」
這首歌是講述一對戀人的故事，若是對方傷風，另一半也會感冒相陪，故在MV中雖然有咀嘴場面，但安仔卻因患感冒而要戴上口罩。至於另一組鏡頭，安仔與Zelia胸貼胸的擁抱，接着從後環抱她，雖然有不少親熱戲，但安仔卻無福消受，安仔笑說：「個女主角有啲似劉小慧，我哋拍錫戲時覺得好似錫緊小慧咁，真係唔好意思。不過我真係冇艷福，唔似得譚校長阿倫咁好艷福，次次拍MV都有得咀嘴，我拍咁耐MV都冇親熱鏡頭，難得今次有得咀嘴，點知又要扮病人，戴住口罩咀。」
有人取笑安仔要小心，因為最近無綫爆出鹹豬手事件，安仔與女主角又咀又胸貼胸，十分親熱，安仔繼續笑說：「大家着住好多衫，所以冇乜感覺喎。我用手攬住佢，佢用手格住咗啦，我嘅係光明正大咁攬，點會鹹豬手啫，仲攬實啲㖭呀。」
大西洋城登台
安仔拍完這個MV之後便去了大西洋城登台，他表示公司對他說推出了新歌加精選，銷量已達白金數字，他聽了之後也不敢相信，經理人表示待他回來便要舉行慶功宴。
採訪：丁寧
