「第6屆MaxMovie電影獎」噚日公佈得獎名單，韓國男星車太鉉憑《超速緋聞》首度封帝，拍檔朴寶英亦攞埋新人獎。《追擊者》同樣連中兩元成為大贏家，奪得最佳電影同導演。影后係《GoGo70》嘅申敏娥，最佳男配角係《蝙蝠俠─黑夜之神》已故男星希思萊杰，女配角係《無防備都市》嘅金海淑。賽果由52萬網民選出，頒獎禮喺今個月18號舉行。