周慧敏（Vivian）、蔡卓妍（阿Sa）和張敬軒昨日到觀塘apm出席「饑饉三十」活動，有近20位Vivian歌迷撐場，Vivian並大派印有「倪」字的百元利是給記者，但以尷尬為由拒絕拍照。新婚約一個月的Vivian沒有戴婚戒，兼且眼腫腫，有指倪震為挽回形象有意陪Vivian到尼泊爾探訪，她聞言例牌否認，問到倪震有否因此不開心時，Vivian說：「經過呢段時間，佢會寬容面對，佢都有做慈善，大家互相支持，唔需要做同一個崗位，我助養等如佢助養，冇分別，我哋係夫婦。」對於有指倪震和城大學生張茆早於兩年前做《詩遊記》節目已撻着，Vivian說：「呢啲傳聞唔回應。」
阿Sa送情人禮物
此外，阿Sa透露前日到鍾欣桐家拜年，不過一提到緋聞男友鄭中基時，她即露出冧樣，提到鄭中基讚她是好好的女性朋友時，阿Sa不避嫌說：「佢識貨，佢都係好好嘅男性朋友，有時間會送情人節禮物。」
採訪：駱華齡
攝影：陳俊強