獲美國政府注資450億美元嘅花旗集團，繼早前喺財政部壓力下，放棄購買一架身價高達4200萬美金嘅豪華專機後。據《華爾街日報》報道，花旗今次可能要放棄紐約大都會棒球隊新主場館嘅命名權。
使橫手要財長施壓
自從引入咗美國納稅人呢個大股東，花旗一舉一動都惹嚟公眾關注，雖然花旗話，呢個長達20年、耗資4億美金嘅市場推廣計劃，冇動用過問題資產救助計劃（TARP）嘅一分一毫，但仍有人唔忿氣，花旗呢頭要政府拯救，嗰頭仲繼續出風頭，於是去信聯儲局，要求財長蓋特納施壓，要花旗取消命名權協議。
其實喺𠵱家咁嘅環境，花旗不如拎筆錢幫吓啲供樓人士好過啦！