瑞銀（UBS）為防客戶跳槽，舊年第四季重金禮聘高盛、大摩等大行200多個經紀過檔，傳聞「簽約花紅」高達經紀過去一年佣金收入嘅2.6倍。
雖然瑞銀發言人話，公司只會用1.6至2倍佣金收入嘅簽約花紅挖角，符合業界標準，但傳聞言之鑿鑿，唔多唔少都會令瑞銀老臣子眼紅。瑞銀覺得呢批新人喺未來12個月內，可以為公司帶嚟75%先前管理嘅資產。做得到嘅話，華華覺得就算花多啲錢都值得啦，至少可以擴張業務嘛。
惹舊人不滿恐分化
不過，招聘公司RickPeterson總裁彼得森話，從未見過業界提供咁大手筆嘅花紅，相信新職員會喺4至5年內，為公司帶嚟回報。顧問公司DiamondConsultants總裁戴蒙德話，「超高花紅」會令瑞銀現有經紀不滿，新舊經紀之間亦會出現分化。